NAKAGAT ni Winter ang labi nang makita ang balance ng bank account niya. Gaya nga ng sabi ni Noah sa kanya noon ay nag-transfer nga talaga ito ng pera sa account na nagkakahalaga na treinta mil. Hindi niya alam kung matutuwa ba siya dun o hindi. Para sa kanya ay sapat na ang ginawa nitong tulong sa operasyon ng kanyang ina. Sobra-sobra na para sa kanya ang pagbigay nito ng pera.
But with this amount of money, magagawa na rin niyang bilhin ang laptop na hinihiling sa kanya ng kapatid. Tiyak na matutuwa si Nathan.
“Look, mommy!”
Napahinto sa pag-iisip si Winter nang marinig ang tinig ni Kestrel. Napalingon siya sa bata na tumatakbo patungo sa direksyon niya. “Dahan-dahan lang, Kes,” paalala niya sa bata. “Why are you in a hurry?” tanong niya pagkalapit nito sa kanya.
“Here, mommy,” wika
