Kinabukasan nagising siyang masakit na masakit ang ulo, marahil dahil sa alak na ininom sa bar kagabi. Wala siyang balak uminom, iyon nga lang nakita niya si Marco kaya napainom siya, para inisin ito. Nakadalawang baso lang yata siya pero sobra na sa sakit ang ulo niya, halos masuka pa nga siya kagabi nang makauwi sa condo unit ni Marco. Pinagpasalamat niyang nakatulog pa rin siya sa kabila nang magulong isipan at hindi maalis-alis sa isip ang nangyari sa kanila ni Marco.
"Sh*t!" Mura niya at napasuklay ang kamay sa buhok.
"Hindi ko dapat hinayaang mangyari iyon," bulong pa niya at napayakap sa sarili. Hindi niya lubos maisip kung ano ang mangyayari sa kanya pag natuloy ang ginagawa nila ni Marco kagabi, kung maisuko niya ang sarili sa lalake sa kauna-unahang pagkakataon. Mabuti na lang
