"Maraming salamat Angela sa pagtulong mo sa akin," pasalamat niya sa kaibigan nang puntahan siya nito sa San Miguel para kumustahin siya, makalipas ang tatlong araw mula nang umalis siya ng Maynila.
Noong araw na umalis siya sa condo ng asawa, wala siyang mapuntahan at makausap, kaya naman tinawagan niya si Angela para magpatulong sa kaibigan, sa pagnanais niyang lumayo muna kay Marco. Sinabi niya lahat kay Angela kung gaano kababaw lang ang pinag-awayan nila ni Marco na nauwi sa masasakit na pananalita sa kanya ng asawa. Nabanggit din niyang muntik na siyang gamitan ng dahas ng asawa sa kama, bagay na talaga namang kinatakot niya ng husto kay Marco. Kaya naman hindi na nagdalawang isip si Angela na tulungan siya. Pianuwi siya ni Angela sa bayan ng San Miguel may bahay daw roon ang pamily
