Pagdating sa opisina ni Marco nalula siya sa nakitang mataas na building na may nakalagay na LEONARDO ESTATE. Nabasa naman niyang mayaman si Marco, pero hindi niya inaasahan na may sarili itong kompanya na ganito kalaki. Si Marco Leonardo ang President at C.E.O ng building nito. Kaya pala wala itong takot kay Ramon Salazar, dahil mas mapera ito kesa kay Ramon.
"Umoo ka na lang pag pinakilala kitang girlfriend ko," sabi sa kanya ni Marco nang papasok na sila sa malaking building na ito mismo ang nagmamay-ari.
"Bakit ba kailangan mo pa kong ipakilalang girlfriend mo? Bakit hindi na lang babaing inarkila mo!" Panunuya niya rito. Dahil iyon naman ang tingin nito sa kanya. Parausan.
"Watch your word, Savannah! Pati iyang kinikilos mo! Maraming CCTV dito baka may makapansin sa iyo," mariing s
