Kainaumagaan nagising siyang masakit ang ulo, dahan-dahan siyang bumangon salo ang kanyang nananakit na ulo.
"Aray, ang sakit naman," bulong niya. Sumandal sa headboard ng kama at inalala ang nangyari kagabi kung bakit masakit ang ulo niya. Nagbuga siya ng hangin nang maalalang nakadalawang baso siya ng hard drinks.
"Tapang mo kasing makipagsabayan kay Marco sa inuman eh," paninisi niya sa sarili. Liningon niya ang paligid hinahanap si Marco pero wala naman ito roon.
"Saan naman kaya iyon nagpunta ang aga-aga," bulong pa niya, akmang bababa na siya ng kama para maghilamos nang mapansing naka lingerie siya. Sa pagkakaalam niya dahil na rin sa tama ng alak hindi na niya nagawang makapagbihis pa, nakahiga na lang siya basta. Paano nangyaring nakapagbihis siya? Sinong nagbihis sa kanya? Si
