Mabilis na lumipas ang mga araw, kapwa sila naging busy ni Marco sa kani-kanilang mga trabaho. Tinatapos na lang niya ang mga tinanggap niyang offer at hindi na siya tatanggap pa ng ano mang trabaho, napag-usapan na nilang mag asawa na hihinto na siya sa pagmomodelo. Pumayag naman na siya, dahil sa totoo lang matagal na niyang nais huminto sa pagmomodelo, iyon nga lang wala pa siyang sapat na pera at syempre tumutulong pa siya sa Mommy niya. Si Marco na ang nagbayad sa lahat ng utang ng Mommy niya, kaya wala na siyang utang na babayaran pa. May bahay na rin ang Mommy niya at sapat na pera para pang gastos, dahil kahit papano nakakaraket na ito. Aaminin niyang sa ginawa ni Marco, nagbago ang Mommy niya, hindi na ito makasarili ngayon, inaalala na siya nito ngayon, iniisip na ng Mommy niya
