Nakaramdam siya ng gutom kaya lumabas na siya ng silid, hindi na rin naman siya makatulog at lalo lang gumugulo ang isip niya. Buo na rin naman ang pasya niya na papayag na siya sa gusto ni Marco.
Paglabas niya ng silid agad niyang nalanghap ang mabangong pagkain. Kumalam tuloy ang sikmura niya at nakaramdam ng gutom. Lumakad siya patungo sa may kusina, nakita niya ang iba't-ibang pagkain roon. Mukhang nagpadeliver ng pagkain si Marco.
"Savannah, gusto mo na bang kumain?" Tanong sa kanya ni Marco nang pumasok ito sa loob galing sa terrace.
"Yeah," tipid na sagot niya. Wala pa siyang maayos na kain, sa ospital hindi naman siya nakakain ng maayos, iba kasi ang pakiramdam niya roon.
"Sabay na tayo. Nagpadeliver na lang ako, alam ko hindi mo pa kayang lumabas," sabi pa nito. Tumango lang s
