"Marco! Hindi mo basta na lang pwedeng paglaruan si Savannah, huwag mo siyang gamitin anak, iba siya," malungkot na sabi ng Mama niya nang magtungo sila sa loob ng library para mag usap tungkol sa nadatnan nitong gulo kanina sa sala.
Wala siyang idea na basta na lang susulpot ang Mama niya, kasama pa si Marco sa bahay niya. Nadatnan pa tuloy ng mga ito ang gulo na kagagawan ni Hazel.
"Huwag mong pansinin ang Hazel na iyon, anak, hindi mo kasalanan kung bakit siya iniiwan ng mga nakakarelasyon niya. Labas ka roon, hindi ka dapat maapektuhan sa naudlot niyang kasal sa nobyo niya," patuloy pa ng Mama niya.
"Kay Savannah ka dapat mag focus anak, siya ang nobya mo, at narinig kong siya ang mahal mo, kaya nanggugulo sa inyo si Hazel," dagdag pa ng ina.
Hindi siya kumikibo. Hindi alam kung a
