“Masama ang loob na bumaba ako ng motor, hindi ko na hinintay pa ang lalaking ito at nag-una-una na akong pumasok sa loob ng kanyang villa. Ito ang araw na kailanman ay hindi ko makakalimutan! Dahil ito ang unang araw na nakipag date ako sa isang lalaki, subalit, ito rin ang araw na nagmukha akong tanga!
“Sweetheart!” Tawag sa akin ni Heussaff pero hindi ko ito pinansin. “Bahala ka dyan!” Naiinis kong sambit habang malaki ang mga hakbang na pumanhik ng hagdan. Ito na nga ang unang pagkakataon na maranasan ko kung ano ba ang pakiramdam ng nililigawan nang isang lalaki, kaso anong magagawa ko kung torpe ang kasama ko?
Putcha, saan ka nakakita, unang date n’yo pa lang wala ng ginawa kundi ang magselos!? Mabuti na lang at marunong akong manligaw kung nagkataon! Hayssst! Walang kabuhay-buhay
