Matagal ang tingin na iniwan ko sa dalawa habang abala sa pagtuturo ng gitara si Bryce kay Quinn.
Kung paano umabot sa sandali na ito ang nangyari, hindi pa rin malinaw sa akin. Parang kagabi lang ay estranghero pa si Bryce kay Quinn, ngayon ay ama na niya ito.
"Daddy!" Ang hagikgik ni Quinn ang umalingawngaw sa buong bahay ko pagkatapos kilitiin ni Bryce si Quinn.
Mariin akong napapikit pagkarinig nun. Daddy agad talaga? Hindi man lang ba siya naninibago sa taong kasama niya?
"I'm sorry, Princess. Let's start again." Inayos ni Bryce ng pagkakaupo si Quinn sa harapan nito habang hawak ang gitara na hindi ko alam kung saan nanggaling na lang!
Mabuti nga at noong iniwan ko sila sandali ay hindi niya tinangay ang anak ko. Hindi pa rin umaalis si Bryce sa bahay mula nung dumating siya kag
