NAGISING si Katherine sa sunod-sunod na pagkatok mula sa pinto ng up and down kubo na tinutuluyan niya.
“Kate, dinner is ready. Bumaba ka muna,” si Patrick.
Antok na kinusot niya ang mga mata bago inabot ang tinanggal niyang relong pambisig.
Seven-thirty na ng gabi. Tatlong oras din pala siyang nakatulog mula nang dumating sila mula sa pag-akyat. Ayaw na niya sanang bumaba at bumalik na lamang sa pagtulog, ngunit wala pa lamang kanin ang sikmura mula tanghali.
“Susunod na ako,” humihikab na sagot niya. Nagpalipas mula siya ng ilang minuto bago sumunod sa banquet hall. Subalit gayon na lamang ang pagngiwi niya nang maramdaman ang matinding sakit ng katawan lalo ng mga hita niya. “Urgh, that jerk
