"Mukhang okay na sila." Sabi ni Ginger kay Ruby habang nakatingin sila kay Corazon at Santi na nag-uusap.
Ngayon ay kita na nilang nakangiti si Santi habang kinakausap ang kaniyang ina.
"Mukhang hindi na mangungulit na kunin ang Mama niya." Sambit pa ni Ginger bago dinampot ang ilan sa mga panlinis na bagong bili.
"Sana nga, sana magtuloy-tuloy na. At sana nga ay madalas siyang nandito para samahan si Tita sa mga treatments niya. Kailangan siya ni Tita. Malaking effect sa kundisyon ni Tita na nasa tabi niya si Santi. Sa tingin ko ay mas mapapadali ang recovery niya 'pag nandito si Santi."
Ani pa ni Ruby bago kinuha rin ang mga bagong kobre kama na para sa magiging treatment room ni Corazon.
"Gusto ko rin na nandito siya para lagi akong may magadang view." Naka-kagat labi na sabi
