Hindi nakatulog si Ruby nang dahil sa nangyari. Hindi na siya halos pumikit at hinintay na lang ang pagdating ng umaga. Hindi pa man sumisikat ang araw ay agad siyang bumangon, nagbihis at bumaba sa may kusina dahil alam niyang gising na si Manang Salve. At hindi nga siya nagkamali dahil naroon na nga ito kasama si Manang Martina at Cecil na nag-aasikaso ng mga lulutuin para sa agahan.
Pagkapasok niya ng kusina ay ang unang nakapansin sa kaniya ay si Cecil. "Good morning, Ma'am. Ang aga niyo naman po nagising mam? 5:30 pa lang, magluluto ka po ulit ng breakfast Ma'am?" tanong nito kaya siniko siya ni Manang Martina.
"Huy, ikaw talaga." saway niya bago napatingin kay Ruby. "Good morning, Ma'am! ang glowing mo naman po, Ma'am." bati pa ni Manang Martina.
Tipid siyang napangiti, "Goodmo
