"Thank you, Ruby." hingi ng salamat ni Pablo Ruiz kay Ruby nang iabot nito ang kaniyang gamot at isang basong tubig.
Bumakas naman ang pag-aalala ni Ruby sa kanyang asawa lalo pa at sinusumpong na naman si Pablo Ruiz ng kaniyang sakit sa ulo. Nag-aalala niyang tinignan si Pablo Ruiz at kinuha ang baso ng tubig na ibinalik nito. "Napapadalas na 'yan ha? nung isang araw sabi mo rin masakit ang ulo mo. Punta na kaya tayo sa hospital? ipa-check na natin iyan." aniya pa.
Umiling lang si Pablo Ruiz at ngumiti sa kaniya. "This is nothing, simpleng sakit lang ng ulo ito. Malamang dulot sa dami ng iniisip rito sa bahay, saka sakit sa ulo sa mga anak ko. Mawawala rin ito lalo na kapag nahuli na kung sino man ang gustong mag-papatay sa akin."
Napabuntong-hininga si Ruby. Hanggang ngayon ay hindi
