CATHERINE’S POV
HINDI ko alam ang eksaktong lokasyon nitong tirahan ni Prof. Garcia kaya nagpaalam muna ako kay Tita Meryl. Sinabi ko sa kaniya na tatawag na lang uli ako at itatanong ko muna sa professor ko. Nando’n na raw kasi sa bahay ang private pilot na susundo sa akin.
Walang tao sa sala nang bumaba ako. Pero may naulinigan ako na parang nag-uusap sa tingin ko ay opisina ng professor ko. At isa sa mga boses na iyon ay kay Prof. Garcia. Lalaki rin ang kausap niya. Nakabukas kasi nang bahagya ang pinto niyon. Hindi ko man naririnig ang pinag-uusapan nila ng kausap niya, sigurado ako na nagtatalo sila.
Wrong timing! Mamaya na lang siguro ako magtatanong at magpapaalam kapag bumalik na siya sa itaas.
Tahimik akong naglakad paakyat uli sa hagdan. Pero hindi mawala sa isip ko ang kat
