HINDI AKO MAPAKALI dahil pasado alas-dyes na nang gabi pero hanggang ngayon ay hindi pa rin umuwi. Kinakabahan ako ngayon, hindi ko alam kung bakit. Palaging nagflaflashback sa aking isipan ang nagtext sa kaniyang cellphone. Sana nga talagang walang nangyari sa kaniya. Ngayon lang talaga ako kinakabahan ng ganito. Natapos ko nang panoorin ang lahat ng palabas sa TV pero hindi pa rin siya dumadating.
Tumayo ako para patayin ang TV, pagkatapos ay lumabas ako at tumingin sa kabilang bahay. Baka kasi sa bahay siya ni Sky dumiretso. Madalas kasi doon siya pupunta pero sobrang tahimik ng bahay. Walang ilaw na nakabukas kaya nagtataka na rin ako. Parang may nangyari talaga. Ayaw ko sana mag-isip nang kung anu-ano pero talagang hindi ko mapigilang hindi mag-isip lalo na't may nagtext sa kaniya.
