Asper Reign Dahlia’s Pov
“Seryoso ka na sa bagay na iyan?” walang gana akong tumingin kay Rajiv habang kinukwento niya sa akin ang mga plano niyang gawin para muli siyang balikan ni Miracle. “Iyan talaga ang gagawin mo?”
Mabilis siyang tumango. “Hindi mo alam kung gaano katigas ang ulo ng babaeng iyon kaya siguradong hindi ko siya madadaan sa mga pa-sweet na paraan. Kailangan kong daanin sa dahas.”
Sinabi niya kasi sa akin na plano niyang kidnapin si Miracle ng mga ilang araw at dalhin sa malayo para masolo niya ito.
“At sa tingin mo ba ay uubra iyan kay Mira?”
Mabilis siyang tumango.
Bumuntong hininga ako. “Miracle knows a lot of self defense tactic, so kakayanin mo ba siyang kidnapin nang hindi ka nasasaktan?”
Nanlaki ang mga mata niya. “W-what?”
“Oh?” Tinaasan ko siya ng kilay.
