“Parang awa niyo na naman, araw-araw niyo ng nakikita ang mukha ko rito. Bakit hindi niyo ako papasukin? Hindi niyo ba natatandaan ang mukha kong ito na walang kasingganda?” sinalo ni Mavi ang baba at nagpacute sa mga gwardiya pero walang epekto.
Tingin pa yata ng mga ito ay eng-eng na siya.
“Miss del Valle, okay lang na papasukin ka namin pero walang a-appear sa log book dahil wala naman I.D na ipinag-scan. Saan mo ba kasi iniwan ang I.D mo?” anang gwardiya sa kanya.
“Sinungkit nga ng kapitbahay ko kasi nga nagagandahan sa akin na masyado. Magpapagawa na lang ako ulit sa personnel. Please naman po.” Pakiusap niya.
Ang totoo ay hindi niya alam kung nasaan. Wala siyang matandaan. Daig pa niya ang matanda sa pagkaulyanin dahil ang nasa utak niya ay ang gintong tupperware.
Biglang nap
