Chapter 29: “Save Me”
“HINDI mo siya sinundan?” gulat na tanong ni Luke kay Ice.
Tumango siya sa kaibigan. Ikinuwento niya rito ang mga nangyari sa kanila ni Dara pati na rin ang pangba-blackmail sa kanya ni Camille.
Hindi na siya bumalik pa sa apartment at dumiretso na sa condo nila ng Noble Power para doon muna mag-stay pansamantala.
“Ayokong mapahamak si Dara. Ayokong masaktan siya ng dahil lang sa akin.” Napahawak siya sa kanyang sentido dahil sunasakit iyon.
“Pero, hindi ba’t nasasaktan mo na nga siya? Lalo na at pinili mo si Camille,” ani nito.
“Hindi ko pinili si Camille. Wala lang akong choice para tanggihan ito. May hawak siyang ebidensiya. She took a video of me and Dara hugging sa camp namin.” Napabuntong-hininga siya at hindi mapigilang mainis nang maalala na naman niya a
