Chapter • Seventeen
Walang tigil sa pagbayo ang dibdib ko habang nasa taxi patungo sa bahay nina Pearce. Hindi ko na alam ang gagawin. Namamayani ang matindi kong takot sa pwedeng makitang reaksyon niya.
Nanginginig ang mga tuhod ko nang bumaba ako ng cab. Napalunok ako nang simulan kong humakbang palapit sa gate. Nakita ko itong nakaawang. Nakaparada lang din sa tabi ng daan ang kanyang sasakyan.
Habang palapit ako sa pinto ng basement ay lalong nagwala ang dibdib ko lalo nang makitang bukas ito at mula sa labas ay naririnig ko ang ingay na nagmumula sa basement. Tunog ng mga bagay na tila ibinabato sa pader, mga nababasag na gamit, at galit na galit na mga sigaw ng taong pakay ko.
Maingat ang bawat hakbang ko hanggang sa tuluyan akong nakababa ng basement. Nanlambot ang mga tuhod ko
