"Kuya, kwentuhan mo naman ako tungkol sa labas." magiliw na pakiusap ni Hikari sa kapatid habang pinapanood siya ni Hinata na magluto. Naka-upo naman ito sa kitchen counter habang nakangiting nakatingin sa kaniya.
"Sige. Anong gusto mong malaman, Ari?"
"Hmm," sandali siyang napa-isip kung ano nga ba. Ang dami niyang gustong malaman pero hindi niya alam kung saan sisimulan at kung ano nga ba ang dapat malaman.
"Ah! Yung mga lugar na napuntahan mo, Kuya. Nung nakalabas ako naalala ko kung gaano kalaki yung kalsada tapos ang dami-daming sasakyan! Tapos ang daming tao! Pati sa school! Sabi mo noon marami kang nakilala na ibang friends, gaano karami? Gaano kalaki yung school? Totoo ba yung sinasabi ni Emiko dati na sobrang nakaka-stress daw? Then she'll go shopping daw sa mall? Gaano namam k
