Pagkatapos naming kumain dumiretso na kami sa pag grocery. Bumili kami ng pagkarami rami na halos puno na ang mga dala naming sasakyan. Hindi ko na tinitingnan pa ang mga bill ng aming mga pinamimili basta pindot na lang ako ng pindot sa card ni James. Bahala siya diyan total sa kanila naman itong mga binili ko kaya hindi naman siguro masama na gumasto dito ani ko sa aking isipan.
Pagdating namin sa bahay napansin kong napakatahimik nito. Napatingin ako sa aking relo at nakita kong pasado alas sinko na pala. Dali dali kaming bumaba nila George at patakbong papasok dito. Napansin ko rin na wala an lang katao tao dito sa labas at walang bantay dito. Patakbo akong pumasok sa loob at halos tumalon na ako sa mga nakaharang dito sa labas pero pagbukas ko ng pintuan nagulat ako sa nakita.
"What
