Nagcheck-in kaming tatlo at doon muna pansamantalang mamalagi lalo na’t wala naman talaga akong sariling unit dito. Provided din ng kompanya kaya hindi gano’n ka problema.
“May dalawa ka palang sariling bodyguard, Cee?” kuryosong tanong ni Dira pagkatapos silipin ang pinto.
Tumango ako. “Si Miss Lauren ang nagbigay. For safety rin daw,” sabi ko.
“Grabe talaga! Bumibilib na talaga ako sa anak ko!” si Mama at hinawakan pa ang magkabila kong pisngi.
Maya maya ay dumating naman sina Gwen, Xandria at Ryle habang may mga dala itong kung ano ano na ikinagulat ko at puro pa mga bulaklak, ang iilan ay nasa box at mukhang regalo pa ata.
Ang sabi nila ay galing daw ang iba roon sa mga kompanyang nagbabalak na kunin akong endorser ng kanilang brand. Hindi pa naman iyon napag-uusapan namin ni
