Kahit nililinaw na ni Vincent sa akin ang lahat, may parte sa akin ang hirap iyong tanggapin. May parte sa akin ang hindi makapaniwala. Kahit ata paulit ulit niyang sabihin ay hindi magsisink-in sa akin ang lahat lahat.
Dumating din naman ang pagkain kaya naging tahimik ako at doon na nakatuon ang aking atensyon. Nahihiya ako sa totoo lang ngunit hindi nawawala ang komportableng pakiramdam sa akin dahil kilala ko si Vincent. Sa mahigit taong lumipas, nakabisado ko siya. Kaya siguro kahit nalaman ko ang mga ito ay parang ayos lamang sa akin at hindi ako naiilang dahil si Vincent ito.
“Do you like the food?” tanong niya habang pinagmamasdan akong kumain.
Tumango ako at ngumiti. Masarap ang mga pagkain na siniserve nila. Ang fresh pa ng mga seafood.
Kumuha siya ng kaonti sa kanyang ki
