أيقنت سعادتي

الفصل العاشر 1️⃣0️⃣❤️

ريم : " انا عارفة ان الموضوع غريب شوية ، بس صدقيني ده الحقيقة ، فيه جن بــ يحبني و مش بـ يحبني بس ده بـ يعشقني و بـ يجيلي كل يوم في الحلم ، و عايش معايا كل تفاصيل حياتي ، ده يعرفني أكتر من نفسي يا ملك . "

ريم : " واحدة واحدة بس عليا علشان اقدر استوعب كلامك ، انتي مين عرفك بـ الكلام ده ؟ ؟ . "

ريم : " هو جالي في الحلم اكتر من مرة و كلمني ، كنت فاكرة في الاول انه حلم عادي ، لكن بعد كدة بقى يجيلي كل ما اغمض عيني وبقيت احس بـ وجوده حواليا في كل مكان . "

ملك : " عمري ما كذبتك يا ريم لأنك عمرك ما كذبتي ، لكن المرة ده اتمنى انك تكوني بـ تكذبي او بـ تضحكي علياى . "

ريم : " صديقيني يا ملك انا بقالي فترة مش عارفة اركز في حياتي منه بقى شاغل كل تفكيري ، و كنت مستنية رجوعك من اسندرية علشان احكيلك ، انا مقولتش لأي حد غيرك ، و انا اللي كنت مستنية رجوعك علشان افضفض معاكي بـ الكلام و ارتاح . "

ملك : " انا مش عارفة أقولك ايه يا ريم حكايتك ده غريبة ، و انا علشان اساعدك لازم اكون ملمة بـ كل المواضيع اللي زي ده ، بس طمنيني الاول و قوليلي انتي بـ تحسي به ، يعني لو هو موجود دلوقتي معانا هتعرفي . "

ريم : " اه . . مجرد احساس بـ وجوده . "

ملك : " طب طمنيني هو معانا دلوقتي . "

ريم تنظر لها و تضحك . .

ريم : " لا يا ستي ، اقعدي بـ راحتك محدش غيرنا في الأوضة ، انا عيزاكي تقوليلي أعمل اية ؟ ؟ . "

ملك : " أقولك تعملي ايه في ايه ؟ ، اذا كنت انا مش مستوعبة الموضوع من اوله هقدر اساعدك ازاي ! ! ، ربنا معاكي يا حبيبتي . "

ريم : " بـ تكلم جد يا ملك ، انا من يوم ما صخر ظهرلي في الحلم و هو شاغل تفكيري ، حتى الوظيفة الجديدة اللي قبلت فيها و المفروض اني مسافرة بكرة استلم الشغل هناك في الغردقة مش قادرة اركز فيها ، حياتي اتشقلبت . "

ملك : " طب يا حبيبتي قوليلي أساعدك ازاي ؟ ! ، أسأل على شيخ أو دجال يصرفه يبعد عنك صخر الجن . "

ريم : " دجال ايه بس ، صخر جن قوي و مش سهل خالص . .

و هددني لو بعدت عنه هـ يأذيني ، مش عارفة اعمل ايه ! ! . "

ملك : " انتي بـ تصلي يا ريم ، اقري قرآن كتير .. "

ريم : " طول عمري بـ قول عليكي ناصحة ، صخر جن مسلم يعني القرآن مش هـ يبعده عني . "

ملك : " طب انتي عايزة ايه يا ريم ، ايه اللي يريحك ؟ . "

ريم : " مش عارفة ، حقيقي مش عارفة ظهر في حياتي لـ غبطها اكتر ما هي متلخبطة . "

ملك : " خلاص يا حبيبتي إذا استصعب عليكي أمر اتركيه لله ربنا هيحلها من عنده ، اهم حاجة انتي بس تركزي في شغلك و تحبيلنا عريس حلو كدة من الغردقة عايزين نفرح بيكي . "

ريم : " عريس ايه بس ، صخر مبيخليش حد يقرب مني خالص ، انهاردة واحد رخم حاول يضايقني في المحل صخر مسكه و خنقه . "

ملك : " انتي بـ تكلني جد ، طب و بعدين في صخر ده هوقف حالك بقى ما هو مستحيل يعني اخرتها تتجوزي جني ، بس انتي عارفة احنا كدة منقلقش عليكي من سفرك هـ نلاقي اللي يخلي باله منك . "

تضحك ملك و ريم . .

ريم : " اقعدي انتي اتريقي عليا كدة و مرة واحدة هتلاقي نزل عليكي بـ و** من كف جن محترم . "

ملك : " لا يا ستي ربنا يجعل كلامنا خفيف عليهم ، يلا اسيبك انا و انزل . "

تدخل چيهان و معها صينية الشاي و الكيك .

چيهان : " معلش يا بنات اتأخرت عليكم جالي تليفون أخرني . "

ملك : " ولا يهمك يا طنط ، امشي انا دلوقتي و ابقى اشوفك يا ريم وقت اجازتك الأسبوعية ، اقولك فكرة حلوة ، هـ جيلك كل يوم خميس نسهر سوا . "

ريم : " خلاص اتفقنا . "

چيهان : " كنت عيزاكي تقوليلها يا ملك تخلي بالها من نفسها في السفر . "

ملك : " لااا من الناحية ده متقلقيش يا طنط معاها راجل . "

چيهان : " راجل مين يا بنتي ؟ ؟ . "

ريم و هي تنظر لـ ملك و تحذرها من ان تخبر امها چيهان ب حكاية الجن صخر . .

ملك : " لااا مش قصدي راجل ، أقصد ريم زي الراجل بـ تعرف تخلي بالها من نفسها ، يلا استأذن انا ، مع السلامة . "

✿❀ ★✯☆ •°• ✾ •°• ☆✯★ ❀✿

دخلت ريم غرفتها و امسكت بـ تليفونها لـ تظبط المنبه على ميعاد استيقظها مبكراً . تدخل چيهان و مصطفى والد ريم .

مصطفى : " ريم حبيبتي مش ناقصك اي حاجة ان ل اشتريها قبل ما تسافري . "

ريم : " تسلم يا بابا ، انا جهزت كل حاجة ، ربنا ما يحرمني منك و لا من ماما ، عيزاكم تدعولي . "

مصطفي : " ربنا معاكي و يوفقك يا حبيبتي ، تصبحي على خير . "

ريم : " و انتم من اهل الخير . "

تدخل ريم غرفتها و تغلق الباب و تلاحظ بوجود رائحة جميلة داخل الغرفة ، تتذكر ان تلك الرائحة اشمتها عندما تكون مع صخر في قصره ، رايحة تشبة مزيج من أجمل الزهور و كأنها رائحته المميزة ، ريم تنظر الى جوانب غرفتها و تتأملها تبحث عن اي إشارة بوجود صخر الجن . .

ريم : " صخر ، صخر انت هنا ، لو انت هنا اظهر أو اعمل أي اشارة اعرف انك موجود . "

تتفاجأ ريم بـ وقوع كتابها على الأرض . .

ريم : " بـ توقع كتابي يا صخر ! ! ، لا كله إلا كتبي ، انت عارف أد ايه انا بحب كتبي . "

تنظر ريم لتجد كتاباً آخر يقع على الأرض . .

ريم : " صخر انت هنا ؟ ، و بـ توقع كتبي ليه ، صخر انت زعلان مني ؟ . "

لـ تفاجأ ب ظهور صخر أمامها مرة واحدة ، و يظهر على وجهه ملامح الغضب . .

ريم : " صخر ، مالك في ايه قلتلك اني محبش حد يوقع كتبي و لا يقرب منها و رغم ذلك وقعت كتبي ، ممكن اعرف ليه و شكلك ماله كده زعلان من ايه ؟ ؟ . "

صخر : " بـ تسأليني زعلان من ايه ! ! و لا كـ أنك عملتي حاجة خالص ، قوليلي انا أذيتك في حاجة زعلتك في حاجة بـ الع** انا بـبعد عنك اي حد بـ يفكر لـ مجرد التفكير انه يأذيكي . "

ريم : " خلاص متزعلش ، مكنتش اقصد انك تزعل ، انا بس مش قادرة اتخيل اصلا وجودك في حياتي ، و اني واقفة بـ تكلم مع جني . . . انا حكيت لـ صاحبتي لأنها الوحيدة اللي لما احكيلها مش هتتهمني بـ الجنون . "

صخر : " صاحبتك ده اللي عايزة تجيب دجال كافر يبعدك عني ، لو فكرتي تعملي كدة يا ريم انا هأذي صحبتك . "

ريم : " لأ خلاص متزلعش مش هفكر في كدة تاني . "

صخر : " خلاص مش زعلان ، و انا اللي كنت محضرلك مفاجأة حلوة و اول ما جيت لقيتك انتي و صاحبتك في الأوضة بتتفقوا ازاي تتخلصوا مني . "

ريم : " انت كنت هنا و ملك صاحبتي موجودة ؟ . "

صخر : " اه كنت قاعد على الشباك . "

تضحك ريم ، و ينظر لها صخر بحب و كأنه أول مرة يسمع ضحكتها البريئة ، و ينظر لها بحب و يبتسم . .

صخر : " اه كنت قاعد على الشباك ، مستني صاحبتك تمشي و آجي أكلمك ، و اقولك اني محضرلك هدية . "

ريم : " بجد يا صخر انت محضرلي هدية ، هي فين ؟ ؟ . "

صخر : " لازم تيجي معايا المدينة بـ تاعتي ، انا مجهزها هناك . "

ريم : " موافقة آجي معاك ، بس ازاي نروح المدينة بـ تاعتك دلوقتي . "

صخر : " غمضي عنيكي . "