CHAPTER 17
Naalimpungatan si Maureen sa tatlong beses na pagkatok sa kanyang pinto. Pupungas-pungas siyang bumangon at tinungo ang pinto at binuksan ito.
“Ms. Maureen, pinapatawag ka na po ni Sir, aalis na raw kayo ng alas nuebe,” wika sa kanya nang nakangitig maid.
Tinanguan niya ito at nagpasalamat, pagkatapos ay sinara niya ang pinto at naghanda na. Alas siyete na pala, nakakahiya siya pa talaga ang late at hinihintay. Kapag nalaman ito ni Warren, tiyak na pagsasabihan na naman siya nito. Ayaw pa naman nitong napapahiya sa mga iniimbitahang negosyante.
Pero, paano ba siya magigising ng maaga kung ilang oras lang ang tulog niya? Hindi siya makatulog, ayaw siyang tantanan ng mga imahe nila ni Dux sa ilalim ng tubig.
Ipinilig niya ang kanyang ulo at mabilis na iwinaksi
