“DAMN you, Breonna!” gigil na si Axyl dahil palaging busy tone kapag inida-dial niya ang cellphone number ni Breonna. Halos hindi na din niya kasi makita ang dalaga sa kabilang bagon dahil natatakpan na ito ng ibang pasahero. Sumiksik na nga siya sa tabi ng glass panel para mas makita si Breonna sa kabila.
Bwisit na bwisit siya at gustong magsisi na sumakay ng tren. Pero walang ibang paraan para masundan si Breonna sa kung saan man ito pupunta at nagmamadali pa. At araw-araw ba na ganito ang biyahe ng babae? Araw-araw bang sumasakay ito ng tren at nakikipagsiksikan sa iba pang pasahero? Napakainit. Napakasikip. Bakit hindi nalang ito kumuha ng sariling sasakyan? O ang company car na ipinapagamit ng Wizard sa mga team managers? ‘Wag sabihing wala noon si Breonna?
Sa wakas ay nag-ring ang
