Thamia
NAGUGULUHAN pa rin ako kung bakit naririto si Miguel. Gusto kong isipin na namamalikmata lamang ako dahil gusto ko siyang makita, pero ngayong naglalakad sila papalapit sa amin ay alam ko na hindi ito guni-guni lamang.
“Anong ginagawa niya rito?!” Halata sa boses ni Ria ang iritasyon, pero hindi ko magawang pansinin siya masyado dahil tutok na tutok ang aking atensyon kay Miguel.
Napansin ko ang pagngisi ni Miguel nang siguro ay mapansin ang pagkakatulala ko sa kanya.
“Hello, girls,” pagbati ni Miguel sa amin.
Gamit ang aking mga mata ay kinausap ko si Miguel. Hindi ko alam kung naiintindihan niya ba ang gusto kong itanong.
Gusto ko lang namang malaman kung anong ginagawa niya rito at kung alam niya ba na naandito ako.
Ngumiti lang si Miguel sa akin at hindi nagsalita.
“Anon
