Ito ang araw na kay tagal na panahon kong inasam na maganap sa buhay naming dalawa ni Simon. Totoo ngang wala ng iba pang sasaya sa araw na 'to, sapagkat pakiramdam ko'y kumpleto na ang aking buhay.
Sa wakas, magiging ganap na Mrs. Carla Villaforte na ako!
"Ang ganda-ganda mo talaga, Carla!" humahangang puri sa akin ni Jana na siyang umuntag sa lumilipad kong diwa.
"Naku, mas maganda ka pa rin sa akin," nakangiting tugon ko sa kaniya.
"Pareho kayong maganda!" sabat ni Annie sa amin kaya napahagikhik kaming tatlo.
Mahigpit akong niyakap ni Annie saka bumulong ito sa akin. "Masaya akong makitang maligaya ka na kay Simon."
"Thank you, Annie! Thank you dahil 'di mo ako iniwan no'ng mga panahon na kailangan ko ng karamay. Mapalad akong naging kaibigan kita. Isa ka sa mga taong nagbigay n
