C H A P T E R 20
Lakad-takbong tinungo namin ang itinuturo ng mga tao ng Silver Land dito daw sa gitna ng kakahuyan. May kung anong malakas na umaalulong ang nagpapatumba ng mga matataas na puno doon. May natatanaw rin kami na nag-uusok na parte ng gubat.
''Lily, apoy talaga kapangyarihan niyon. N-Narinig mo ba 'yong ungol?''
Tumango ako kay Flint saka ngumiti ng tipid, nagbabaka-sakali na pakalmahin ang kanina niya pang naginginig na maliit na boses. Malapit na namin mapuntahan iyong mismong spot kung nasaan iyong pakay namin. Mga pakay pala dahil sabi nga nila Aspen, tatlo daw ito.
Malaking katawan-Oso na may tatlong ulo ng tigre. May iisang kamay na may hawak na kadenang nag-aapoy, pagpapaliwanag sa 'min ni Aspen kanina, iyon daw ang natatandaan niya na hitsura niyon nang makita
