ABALA ang lahat sa paghahanda para sa kaarawan ng ina ni Analyn. Kahit tumanggi ito, nagpresinta si Theodore na maghahanda sila para sa kaarawan nito. Tulong-tulong naman ang mga taunan nito na nagkatay ng ilang baboy at manok para sa handaan. Tumulong din ang mga kapitbahay nila na magluto ng ibang handa.
“Baby, baka naman pagod na kayo ng anak natin ha? Magpahinga ka na kaya doon,” nag-aalalang saad ni Theodore na pinunasan ng face towel sa mukha, leeg at likod si Analyn.
Abala din kasi ito na naghihiwa ng mga gulay kasama ang ibang kababaihang kapitbahay nila. Maalinsangan ang panahon kaya pinagpapawisan na ito kahit nasa lilim sila ng malaking puno ng mangga at presko ang hangin.
“I'm okay, Daddy. Magaan lang naman ito. Paabot na lang ng tubig. Nauuhaw na ako e.” Wika ni Analyn d
