LUMIPAS ang mga araw, linggo at buwan. Naging masaya at makulay ang bahay nila Analyn na doon na sila nanirahan kasama si Annalisa at Bryan. Noong una ay naiilang si Theodore pero kalauna'y nasanay din ito lalo na't nakikita nito kung gaano kasaya ang asawa niya at pamilya nito.
Tuluyang ibinaon sa limot nila Analyn ang mapait na kahapon. Nagkapatawaran silang lahat at muling tinanggap ang isa't-isa. Tanggap na din ni Annalisa na hindi para sa kanya si Theodore. At masaya ito na nakikitang masaya na ang pagsasama ng dalawa. Malapit na ring manganak si Analyn kaya napagdesisyunan na muna nilang sa probinsya ma muna tumira.
Isang umaga, habang naghahanda ng agahan si Annalisa sa kusina ay nagpang-abot sila ni Theodore. Napakamot pa si Theodore sa ulo na alanganing ngumiti kay Annalisa.
