NANGUNOTNOO si Theodore na makapa nitong wala na siyang katabi sa kama. Inaantok pa ito at gusto pang matulog pero tuluyang nagising ang diwa na makapa nitong wala na nga si Analyn sa tabi niya.
Naniningkit ang mga mata nitong napalinga sa paligid pero mag-isa na siya sa silid. Mataas na rin ang sikat ng araw kaya kahit inaantok ay bumangon na ito. Naupo ito sa kama na sumandal sa headboard. Nangingiti na nakapikit at naalala ang mga namagitan sa kanila ni Analyn kagabi. Kung paano nila bininyagan ang buong silid nito. Sa lahat ng sulok ay inangkin niya si Analyn. Kaya naman inabot na sila ng madaling araw bago nakatulog na pagod na pagod.
“Good morning! Gising ka na pala,” pagbati ng dalaga na ikinadilat nito ng mga mata at napangiting malingunan ito.
“Good morning too, baby. Where
