Naunang mag-drawing si Bryan. Mabilis kasi siya, since caricature ang style n’ya. Sandali lang, nai-drawing na niya ako sa papel.
“Okay, kukulayan ko na lang `to, ikaw naman.”
“Okay...” tumayo ako at kumuha ng watercolor paper sa aking portfolio case.
“Anong posing ang gusto mo?” nakangising tanong ni Bryan. “Gusto mo side view na mukhang galit?” at nag side view nga siya at tumingin sa akin ng pailalim. “O gusto mo nakakatakot?” ngumiwi naman siya at nagduling-dulingan.
“Nakakatakot ka d’yan, baka nakakatawa kamo!” sabi ko.
“Ano nga ang gusto mong pose?” tumatawa na rin si Bryan.
“Ikaw bahala, kung anong maisipan mo.”
“Ayan ka nanaman, eh, ikaw nga magsabi ng gusto mong pose!”
Napaisip ako. Ang mga portrait ko, galing lang sa ala-ala ko. Wala naman kasi akong model talaga, mga s
