CHAPTER 62
Nagtungo na nga kami sa department store at doon namili. Isang malaking stuffed bunny para kay Gina, isang blue na bag para kay Mama na may katernong sapatos, isang set ng bikini briefs na paborito raw ni Kuya, at cologne naman para kay Tito Rocky. Ang iba, pinamili na lang namin ng mga towel at tank tops.
Matapos mamili ay pumila kami sa gift wrapping section, at sa tagal ay inabot kami ng alas-siete bago matapos. Ang dami naming bitbit! At ang laki ng regalo ni Gina na ipinagbayad pa namin ng upuan sa UV Express.
Inihatid na ako ni Bryan para hindi mahirapan sa `pag buhat. Buti at wala pa sila Kuya pag-uwi namin.
“Ganda ng Christmas tree n’yo ha?” sabi ni Bryan na napatitig sa puno sa living room. “Dito ko na ba ilalagay yung mga regalo?”
“Iikot natin para maganda!
