Kanina pa napapapikit ang mata ni Julie. Grabe, pwede na dalhin sa airport ang eye bags niya sa sobrang lalim. Hayun sila at nasa auditorium ng kanilang university. Kahit na wala naman sila pasok pero nandoon sila para mag practice para sa nalalapit na Mr. and Ms. MedTech.
Imbis na nagtatamad tamaran kasi siya sa bahay o di kaya ay nagwawalwal, ito siya at nasa university.
"Hi Julie." Bati ni Crystal. Ito ang representative ng sophomores habang siya naman ang representative ng mga freshman.
Umupo si Crystal sa tabi niya at ngumiti. Nakaupo sila sa pinakagilid ng auditorium katabi ng mga bleacher. Ang iba pa nilang kasama ay nasa may stage at ang iba ay nakatambay lang din kung saan saan.
Magr-run through kasi sila ulit matapos ang ilang minuto.
Inaantok na talaga si Julie. Panigu
