Nagulat si Esmeralda sa nalaman niya sa pagkatao ni Archer. Hindi niya talaga inaasahan na dati itong miyembro ng X-Skull Syndicate. Pero kahit na ganoon, hindi naman siya natakot kay Archer. Bagkus, humanga pa nga siya dahil nagbabagong buhay na ito. Nagpapakabuting tao na ito.
Nagpasalamat si Archer sa kaibigan niyang si Andersen. Dahil kung wala kasi ito doon, baka napahamak na si Esmeralda. Baka silang dalawa ay napahawak na noong araw na iyon.
"Maraming salamat ulit, Andersen. Ngayong nagawa ko ng aminin kay Esmeralda ang lahat, sobrang gumaan ang pakiramdam ko. Iyon bang wala na akong dapat ikabahala dahil wala na akong tinatago. At ngayong wala na ang ex niya, magiging tahimik na ang buhay namin..." masayang sabi ni Archer.
Ngumiti si Andersen. "Walang ano man. Masaya ako para s
