"Mukha ngang matindi ang galit mo sa mag-inang 'yon? Matagal ng panahon, biruin mo, seventeen years. Hindi mo pa ba sila matanggap?" ani nito sa bagong assassin ng kanilang organisasyon.
"Hindi ko sila matatanggap. Oo nga at maganda ang ipinapakita ko sa kanila at ang pakikitungo ko sa kanila, lalo na kapag kaharap ko ang aking ama, at ipinapakita ko sa ama ko na kapatid ang turing ko sa kanya at ina naman sa kanyang asawa, pero lahat ng 'yon ay kasinungalingan lamang. At kapag nalaman ko na totoo ang hinala ko sa kanila na pera lang ang kailangan nila sa tatay ko, sisiguraduhin ko na ililibing ko silang mag-ina sa ilalim ng lupa na dilat ang kanilang mga mata," sagot nito. Nararamdaman ni Josh ang matinding galit sa puso ni Sebastian. Hindi nito matanggap na ganuon lamang kadaling napali
