#5

1656 Words

سيف ? بعدما نزلت نظرتُ إلى يدي إذ أرى نصف الكعكة التي لم تأكلها هل وضعتها في يدي ليأنبني ضميري أم لتغلق جوعي أبتسمت لطفولتهاا لم أسمع سوى صوت ابراهيم وهو يطرق على النافذة سيف : هااا ابراهيم : شبيك جاي تضحك ويا روحك سيف : هييج تذكرت موقف ابراهيم : انزل اكل يلا سيف : دا اكل اروح اكمل شغل بلكي اشوفلي جم كروة ابراهيم : هاي منين ؟ سيف : اشتريتها يعني منين ابراهيم : مو كلش ويا السميت انت شجابة ببالك؟ سيف : جعت فملكيت كدامي غير ابو السميت واشتريت يلا اروح اني ابراهيم : الله وياك سيف : ما اجى خبر من اهلي ؟ ابراهيم : خابرت امي كالت طلعوا من العملية وهسة بلعناية المركزة مكدرت احجي وياها تدري تلفون من الاسواق سيف : اممم الحمد الله يلا اروح ابراهيم : الله وياك في المساء علي : سيف لتروح اليوم للمخبز شوف حالتك سيف : ما بيا شي شوية صخونة هسة تفك علي : يا اخي عوف شغل المخبز هسة سيف : عيب دين الرجال يدوب نسددة علي : ادري والله ودتشوفنا مكاعدين بس شغلة تكفي سيف : لا متكفي هو شكد ينطون رواتب موطفيين ودوائر ومينطوهم اكثر من 3000 واللي ياخذ اكثر يعتبر مليونير علي : انت تعرفة لعمي باسم محيركض ورانا سيف : ادري محيركض ورانا بس عيب يعني الرجال زين ناكلة ونشربة علي : بس هيج دتعذب نفسك انت سيف : ميخالف فترة وتعدي علي : اشوف منو علباب واجيك علي : مرحبا عمي تفضل باسم : بس لا ازعجتكم علي : لا يمعود تفضل بيت بيتك باسم : السلام عليكم سيف : وعليكم السلام هلا عمي تفضل باسم : لا ابني مجاي اكعد بس جيت اكوللكم اذا تردون تحجون ويا اهلكم فعدنا تلفون تكدرون تجون يمنا وتحجون سيف : تسلم متقصر دننحجي من الاسواق باسم : مو عيب تحجون من الاسواق وبيتي موجود شهلحجي علي : منريد نثكل عليكم عمي يكفي اللي نطيتلنا يا باسم : يمعود جيران احنا وبيت واحد ماكو هلحجي بيناتنا سيف باجر انتظرك سيف : تسلم والله باسم : ماكوو هيج حجي محروح للشغل وحنتظرك سيف : الله كريم باسم : شكالولة خلصت عمليتة لو بعد ؟ سيف : ايي طلعوا الظهرية بس بوكت اللي خابرهم ابراهيم جان بعدة مفايق فنشوف باجر باسم : ان شاء الله يرجعلكم بلسلامة علي : تسلم عمي الله يكثر من امثالك باسم : يلا اترخص تصبحون على خير علي : وانت بخير عمي سيف : يلا علي اني طالع ويا عمي ورايح للشغل علي : الله وياكم سيف : عمي باجر دوام شروق ظهري لو صبحي ؟ باسم : باجر ظهري دوامها وميس حتجي صديقتها عليعا سيف : ماشي 12 وربع اكون يمكم باسم : تعال الصبح وحاجي اهلك سيف : لا عمي تسلم والله باسم : اذا متجي اجي اني اخذك سيف : ماشي ان شاء الله باسم : الله يوفقك حبيبيي سيف : ويوفق الجميع 11:30 AM سيف ذهبت الى بيتهم تمنيت كثيراً أن تفتح هي الباب لا أعلم السبب ولكن تمنيت أن ارى هذه العينين لأستمد قوتي باسم : هلا بسيف صباح الخير حبيبيي سيف : هلا عمي اسف جيتكم هيج وقت باسم : لا حبيبيي فوت لبيت بيتك سيف : السلام عليكم عذراء : هلاا سيف تفضل ابني متريك ؟ سيف : الحمد الله باسم : تفضل وهذاا التلفون سيف نظرت حولي فلم أراها اين هذه الطفلة العنيدة حتى لم أسمع صوتهاا سيف : هلاا يوم شـــلونـــج يا نظر عيني ام علي : سييووف حبيبييي شلونك عمري شخبارك ؟ سيف : الحمد الله انتو شلونكم ؟ شخباركم ؟ ابويا شلونة ؟ ام علي : بخير احنا وابوك الحمد الله صحة وحالتة زينة قبل شوية شافة الدكتور وكال حينقلوا غرفة خاصة سيف : الحمد الله الفلوس مكفيتكم ؟ ام علي : مستورة ابني انتو شلونكم ؟ شخبار اخوانك ومروة ؟ سيف : بخير كلتنا بالنا يمكم ام علي: لتخافون علينا بخير احنا خلي مراوي تدير بالها على روحها وتاكل زين سيف : ليظل بالج احنا وياها عذراء : لج كومي بدلي يلاا شروق : ماا ما اروح اليوم عذراء : لج بنتي كومي لتعاندين هاي شلون شروق : ما اريد مريضة عذراء : دكومي يا عيني متكوليلي شبيج شروق : ما اريد اريد بابا يوصلني عذراء : شروق بدون سوالف صغار كبرتي انتي يلا اشوف بدلي ورتبي شعرج ونزلي الولد دينتظرج شروق : ما انززل عذراء : قسما بالله متنزلين حتى سالي بعد ماكو وتنمنعيين من التلفزيون يلا اشوف نطيناج عين هواية شروق : هفففف 12:15 PM سيف : وينها شروق صارت 12 وربع هسة بعدين تكلي انت اخرتني باسم : ذ*حتنا هلشروق سيف : بعدها صغيرة وتتدلع باسم : متجي حجاية وياها سيف : هسة تكبر وتتغير شروق : صباح الخير باسم : بعد وكت شروق : جنت مريضة باسم : وهسة طبتي ؟ شروق : لا بعد شوية بس ماما جبرتني انزل سيف ? لم تنظر اللي ابداً ولم ترفع رأسها كانت تتحدث مع والدها وكأنني غير موجود اخذت قطعة جبن وخرجت أستأذنت منهم وخرجت سيف : صباح الخير عيني شروق : صبحت بلبيت سيف : بس ما اعتقد لاحظتي وجودي شروق : بلي لاحظت سيف : واضضضح شروق : اييي سيف : شكرا على السميت مبارحة شروق : يا سميت ؟ سيف : اللي بقيتي بأيدي شروق : مبقيت شي أني سيف : لعد منين اجى بأيدي ؟ شروق : ما ادري سيف : لعد اكو شبح بلسيارة من نزلتي بقى السميت شروق : اضحك يعني ؟ سيف : لـــيش هيج قوية؟ شروق : مو قوية بس انت صيحت سيف : لان خفت عليج ومن اخاف ما لعرف شسوي شروق : واعتذرت وكلتلك غلطانة سيف : دفتحي الجكمجة وباعي شحتشوفين شروق : ما اريد سيف : انتي الخسرانة شروق : بي اكل ؟ سيف بضحكة : فتحي وشوفي شروق : ياااايييي سسمممميييتتتت سيف : شفتييي علمود لتكولين صيح عليا ومدارلي بال شروق : اممم شكراااا كلش كلش سيف : بلعافية شروق : بس صوتك متغير شبيك ؟ سيف : مريض شوية شروق : لحظة سيف فتحت حقيبتها وبقيت تبحث عن شيء رفعت رأسها ونظرت الى عيني وابتسمت شروق : هااي ماما مسويتلي لفة اني ما اكل بلمدرسة اخذها انت اكلها واشتريلك جاي لو حان عندي جان نطيتك سيف : لا بقيها الج تجوعين شروق : لالا ما اجوع هاااك سيف : ما اريد شروق : يلااا حيدك الجرس باااي سيف تركت طعامها ونزلت أبتسمت على برائتهاا و أكملت طريقي سحر : انطيينيي لج شروق : مااا سحر : جوعانة ولج شروق : هدية ما انطي سحر : منين ؟ شروق : هيييج سحر : انتي تنطين اكلج للي تعرفي ومتعرفي شبيج هسة؟ شروق : مو دا اكلج هدية سحر : يعني حتخلليها؟ شروق : لااا بس اني اكلها دك الجرس يلاا 5:10 PM شروق : هلو سيف : هلاا شروق : طفي المسجل حباب سيف نظرت البها بأستغراب فهي دائما من تطلب تشغيله سيف : شبيج ؟ شروق : ما ادري مخنوكة وص*ري ديوجعني سيف : صاير شي بلمدرسة؟ شروق : لااا بس مخنوكة ومبارحة حلمت حلم محلو سيف : وهو ؟ شروق : ما ادري سيف : شنو اللي متدرين ؟ شروق : جان صاير شي ما ادري شنو هو بس جنت دا ابجي وانت طلعت كدامي وحظنتني حيل وبقيت تكلي لتخافين وبستني من راسي بعدين اختفيت سيف : هو حلم يمعودة صدك جذب شروق : حبااب لتروح اليوم للشغل مال ليل ليصير شي سيف : يمعودة هو حلم لتخافين شروق : الله يخليك دا اتوسل بيك اني اخاف من الاحلام سيف : لتخافين ميصيرلي شي وكاعد على كلبج شروق : مخايفة عليك بس منو يدرسني رياضيات بعد ؟ سيف : ايي واضح من الخوفة والدموع اللي بعينج شروق : لا دخل تراب سيف : دتمطر ترى شروق : هففففف 4:35 AM سيف ? كنت في طريق عودتي الى المنزل لم اشعر بشيء سوى صوت قذائف وض*ب قوي اصبح لون السماء كاللهيب اصبح الشارع يضج بأصوات السيارات واشخاص يتراكضون لا أعلم ماذا أفعل وماذا حصل من الاصل قبل قليل لم يكن هناك شيء حاولت اكمال طريقي لكني لم أستطيع لا أعلم لماذا خطرت شروق على عقلي شروق ? كنت أرى كوابيس كنت أشعر ان هناك شيء سيحدث استيقظت على اصوات قذائف وصراخ ميس رأيت امي تدخل الينا بخوف وهي تبكي بينما والدي كان يحاول ان يفتح النوافذ نزلنا جميعنا الى المطبخ جلسنا أنا وميس تحت الطاولة والدي و والدتي جلسوا على الكراسي ولا نعلم ماذا يحدث مروة : علليييي بعد مدا اتحمل متت والله علي : شبييج مروة : وجعع قوويي حموووت ابراهيم : دينزل دم منها مروة بخوف : ابنيييي علييي ابنيييي علي : بس اهدي اهدي ماكو شي مروة ببكاء : ابنييي حموووت علي : ياربي هدايتك شسوي هسة وين اوديج ومنا سيف ماكو والبيت انهجم مروة : والله حموت مدا اتحمل بعد ابراهيم : اهدي مروة منكدر نطلع هسة دتشوفين البلد محروك حرك مروة : والله حموت والله علي لا أعلم ماذا افعل اضافتاً الى صوت القصف كان صراخ مروة يعلو كل مرة اكثر من التي قبلها و أصبح المكان الذي تجلس به مملوءاً بلدماء لا أعلم ماذا أفعل وكيف أتصرف من المستحيل نستطيع الخروج الان ابراهيم : كوم نوديها حتموت البنية بين ايدينا علي : خلي نخابر الاسعاف ابراهيم : منين ؟ علي : روح على بيت عمي باسم عدهم تلفون كلهم حالة اضطرارية ابراهيم : ماشي ديروا بالكم علي : انت دير بالك باسم لا نعلم ماذا نفعل ماذا سيحدث للفتيات ؟ متى سيتوقف القصف وماذا يقصفون في هذا الوقت فجأة رأينا ابراهيم امامنا ابراهيم : اسف جايكم بهيج وقت بس الباب مفتوح ومضطرين نستخدم التلفون مرت اخويا دتنزف وهي حامل وحالتها حالة ومنكدر احنا نطلع لازم اسعاف باسم : تفضل ابني انت وحظك يوصل لو لا ابراهيم اتصلت أكثر من مرة الى ان اجابوا لم يقبلوا أن يأتوا بعد العديد من التواسيل قبلوا باسم : هاا ابراهيم : حيجون بس ادعولها ميصيرلها شي عذراء : ابني عدكم بنية لخ وياها؟ ابراهيم : لا والله خالة عذراء : تردوني اجي وياكم ابراهيم : لاا خالة تسلمين يكفي وكفتكم ويانا يلا اترخص سيف ? اشعر بدوار شديد لا استطيع تشغيل السيارة بقيت في الحديقة انظر حولي انظر الى الدمار الذي يحصل متى سيتوقف هذا القصف ؟ متى سنرتاح ونعيش مثل بقية البلدان ؟ وما سبب هذا القصف ؟ كيف حال ابراهيم علي ومروة ؟ شروق كيف حالها يا ليتني سمعت كلامها ولم اذهب للعمل اليوم يارب سترك

Free reading for new users

Scan code to download app

App Store Google Play

Facebookexpand_more