#2
1668 Words
1998 ?
ام علي : ياربي منين جتينا هلمصيبة منيين
ابو علي : هذا قدر ربج كولي الحمد الله والشكر
ام علي : الحمد الله والشكر الف مرة بس شلون هسة ومنين
ابو علي : مستشفيات حكومية زينة اروح بيها والله كريم
ابراهيم : متتعالج هنا انسى هلشي يابا
ابو علي : ابني اذا اسافر ينرادلنا كومة مصاريف منين؟
ابراهيم : تتدبر بس انت متتعالج هنا
ابو علي : يا عيني نفس الشي هنا او هناك
ابراهيم : لاا هنا تفوت صاحي يطلعوك ميت لو اعرف اجدي ومتتعالج هنا
ابو علي : هذا شلون حجي
ابراهيم : هذا اللي عندي مال تتعالج هنا متتعالج
ابو علي : منين يا ولدي منين؟
سيف : نشتغل وتتدبر
ابو علي : انت هلسنة سادس يا شغل ؟
سيف : محكمل هلسنة حترك
ابو علي : هي بكيفك؟
سيف : سنة تروح مو مشكلة اعوضها بلسنة اللي وراها
ابو علي : ماكو هيج حجي
سيف : ياباا مكتلك حبطل وما اكمل هي سنة او سنتيين بس كلشي ينحل حرجع اكمل
ابو علي : لك ابني لتخبلني شتكمل
سيف : اقدم خارجي يا عيني انت اهم شي صحتك
ام علي : ابراهيم ابني جيبلي ماي بعد مدا اكدر
ابو علي : مْـٍـً↻ـًـِْـنٓ يجي علي لتكولولة خلوا فرحان بحبالة مرتة
سيف : لازم يعرف ياباا هي مو افلاونزا تريد تضمها مرض شكبرة ويا تكوم منة يا لا
ابو علي : يا ابني راح نكلة بس خلي يتهنى بحبالة مرتة وبعدين
سيف : براحتك يابا اهم شي صحتك
ام علي : رحمتك يا الله هم صحة رجلي وهم مستقبل ابني لــيش ياربي لـيش
ابو علي : الحمد الله على كل حال سيف ابني شنو حتشتغل؟
سيف : الزم خطوط مدارس وت**ي
ابراهيم : خلي نبيع البيت
ابو علي : البيت مينباع كضيت عمري كلة اشتغل واسمع اهانات علمود اجمع جم فلس واشتري بي بيت اضمن مستقبلكم بيت مستحيل ينباع
ابراهيم : يابا نبيعة هسة وبس ترجعلنا بلسلامة نشتري واحد
ابو علي : مينباع هلبيت
سيف : خلي ابراهيم خلي براحتة
ابراهيم : بس
سيف : تعال ويايا
سحبته وخرجنا
ابراهيم : سيف لازم ينباع ترى العملية لا بفلس ولا فلسيين منين تتجمع ؟
سيف : تتجمع
ابراهيم : ميسوون عملية اذا متكون الفلوس بأيدهم
سيف : شوف راح نتداينها بس ابويا محيعرف وبعدين نسددها على كيفنا كل شهر نتفق على مبلغ معين وننطي
ابراهيم : ومنين راح تتدايين ؟!
سيف : ادبرها معليك
ابراهيم : شنو تدبرها يا واحد تشوفة بلشارع تكلة انطيني
سيف : ابراهيم بس لتستعجل واصبر اليوم او باجر ححاول الكيها ولازم ابويا يسافر بسرعة احسن مينتشر هلمرض
ابراهيم : يعني تعرف ناس واثق بيهم؟
سيف : اشوف اصدقائي و انت لازم تشتغل
ابراهيم : حلزم خطوط ويايا بلكلية شسوي يعني
سيف : شوف اني مكلت لاهلك اكو اسواق يريد عامل بلمخازن فأني حروحلة مْـٍـً↻ـًـِْـنٓ العصرية لحد ميعزلون لتحيب سيرة لاهلك
ابراهيم : بس هيج
سيف : محيصيرلي شي لتكمل
ابراهيم : بكيفك على اساس حتسمع كلامي
سيف : الله كريم
علي : سلام عليكم
سيف & ابراهيم : عليكم السلام
علي : شبيكم واكفين هيج
سيف : هيج دنسولف
علي : لعد اهلي مو بلبيت ؟
سيف : بلي كاعدين
شروق : هلوووو
ابراهيم : هم انتييي
شروق : وشبيك ضايج منييي شوف شووف
ابراهيم : لج هاي هلكدوتج ول**نج اطول منج من تكبرين شلون ؟
شروق : ل**ني وبكيفي وبعدين اني جنت جاية احجي ويا سيف
ابراهيم : بعدج بملابس المدرسة روح بدلي وارتاحي وحاجي سيف
شروق : معليييييك اني وسيييففف لتتدخل
سيف بأبتسامة : كولي ست شروق شتريدين؟
شروق : احزررر شكد اخذت بلرياضيااات
سيف : شكد ؟
شروق : 90
سيف : خووش تعبي جاب فايدة
شروق : لا بابا بس اني ذكية
سيف بضحكة : ديلا ام ذكية
شروق : هاي جبتلك كيكة علمود اشكرك على مساعدتك
سيف : ضحكتيني واني ما عندي ضحكة
شروق : فوديتنيييي وين اكووو مثليي يلا بااااييي
ابراهيم : اول مرة اشوف هيج طفلة
سيف : لك فد عنودية ول**نها متبري منها بس الحق لالله سوالفها تضحك وتنحب
ابراهيم : تعال ندخل احسن
8:15
ميس : ما اريد يا عيني بعدني صغيرة يا زواج هذا
عذراء : بنتي الولد ميتعيب وخوش ناس
ميس : ما اريد بعدني اول كلية خليني اعيش حياتي احسن
عذراء : بكيفج بعد بس
ميس : ادري هسة تكولين كرايبج وعيب وما ادري شنو بس ما اريد كوليلهم البنية متريد وهاي هي تردين اني احاجيهم ؟
عذراء : لا كعدي اني احجي ويا العالم
باسم : السلام عليكم
شروق : باباااا اخذتتت تسعين بلرياضيات
باسم بضحكة : واخيرا انحلت عقدتج
شروق : والله جان ظلم كل درجاتي عاالية الا الرياضيات وجبتهااا
باسم : خلف الله على سيف اللي درسج
شروق : ايي شكرتة ونطيتلة كيكة
باسم : عفية بابا جيبلي كلاص ماي
ميس : شبيك بابا مو طبيعي
باسم : هذذا خطية ابو علي طلع عندة سرطان بلمعدة وولدة ديفكرون يسفروا للخارج
عذراء : وييي خطية هذا منين اجالة
باسم : حكمة ربج بس كلش انقهرت عليه رجال فقير وما الة باحد ومن باب الله
عذراء : خطية الله يكومة بلسلامة
باسم : امين
ميس : هاي ششغلتي ؟
شروق : والله بس الضوة
باسم : هسة اطلع ارفعها مصار شي شبيكم
عند خروجي رأيت سيف جالس عند باب منزلهم فذهبت اليه
باسم : السلام عليكم ابني
سيف : هلا عمي تفضل
باسم : لا ابني نكعد هنا
سيف : اجيبلك كرسي
باسم : وشبيها كعدة الدجة ؟ اكعد
سيف بابتسامة : تفضل
باسم : سمعت بمرض ابوك الله يرجعلكم يا بالف سلامة
سيف : تسلم الله يخليك فوك راس عائلتك
باسم : سيف حبيت اقدملكم مساعدة بسيطة
سيف : نعم ؟
باسم : خليني انطيكم فلوس العملية ادري بحالكم
سيف : لا عمي تسلم احنا حنشتغل وندبرها
باسم : زين اعتبروها دين وسولة العملية وعلى كيفكم سددوا اني محركض وراكم
سيف : لا عمي تسلم
باسم : ابني اخذ مني ولتاخذ من غيري متعرف الناس شلونها
سيف : بس حنثكل عليك هيج
باسم : مو عيب هيج تكول باجر الفلوس تكون يمكم وخلي ابوك يسافر وشنو متحتاج اني موجود
سيف : عمي بلا زحمة طلب عندي
باسم : اتفضل
سيف : ما عندك احد يريد يلزم خط ؟؟
باسم : تريد تلزم خط انت؟
سيف : اييي
باسم : ومدرستك ؟
سيف : حبطل هسة علما تفض سالفة ابويا
باسم : الزم شروق وشمس احسن ما اني اوديهم واجيبهم بأيدي انت وديهم وجيبهم واكو صديقاتهم هنا بلمنطقة دائما اني ارجعهم اذا تريد الزمهم خط انت
سيف : الله وايدك عمي ياريت والله
باسم : باجر ححجي ويا اهلهم ومن عكب باجر تستلمهم انت بس باجر شروق وشمس ينتظروك
سيف : ماشي وشكرا هلمعروف مراح انسالك يا ابداً
7:15 am ☀️
شمس : يلا بابا هاي شنو لي هسة ممبدل
باسم : اليوم مو اني حوصلكم لزمتلكم خط وكولوا لصديقاتكم اذا يريدون يسجلون ويا لان اني بعد محكدر اوصلهم
شروق : منو هذا ؟
باسم : هسة تطلعون وتشوفوا
شروق : ماماا وين بطل المايي
عذراء : بباب الثلاجة
شروق : يلاا انيي طالعةة بااايييي
سيف
رأيتها تخرج مسرعة وتحاول وضع الماء في الحقيبة وكلعادة تتعثر ونسقط ضحكت لبلاهتها وذهبت اليها
سيف : شبيج كضيتي حياتج توكعين ؟
شروق ببكاء : دتوجعنييي
سيف : ما بيج شي حتى دم ماكو
شروق : بس تجلخت
سيف : هسة نمسحلج ياها يلا كومي
شروق : هفففف
سيف : متكوليلي شبيج ؟ شهل قلة الانتباه هاي
شروق : مو قلة انتباه بس ردت اشوف منو اللي حيوصلنا
سيف : اني حوصلكم
شروق : ليشش ؟
سيف : حلزمكم خط ببدال ابوج
شروق : ييسسسس
باسم : صباح الخير
سيف : هلا عمي صباح الخير
باسم : هاي شبيها
سيف : وكعت كلعادة
شمس : صباح الخير
سيف : هلا يلا صعدوا لتتأخرون
شروق : انييي ليي كدااام
باسم : ولا عبالك دتكبر
شمس : مْـٍـً↻ـًـِْـنٓ دلعك الها يا عيني
باسم : شعندي غيركم يلا توكلوا على الله
شروق : شعندددك اغاانييي ؟؟
سيف : اكو كاسيتات هنا شوفيهم
شمس : تعرف كليتي مو؟
سيف : ايي كلي عليهم عمي باسم
شروق : لــيش حتوصلني اني اول ؟
سيف : لان كلية شمس ابعد ودوامها يبدي وراج
شروق : هفففف
سيف : شدتسوين متكوليلي
شمس : دا احط هذاا الكاسيت
سيف : هيج يحطوا الناس
ام علي : اهلا بعذراء تفضلي اختي
عذراء : حبيبتي اعذريني جيتج بدون موعد بس طبختلكم وجبتلج يا لان ادري بحالتج هسة مو مال تطبخين
ام علي : والله ما اعرف شلون اشكرج ثكلنا عليج والله
عذراء : وييي مو عيب هيج تحجين خوات احنا والله يرجعلج اخويا ابو علي بخير وسلامة
ام علي : تسلميلي والله ما اعرف شلون اجازيكم
عذراء : سلامة اخونا تكفي
في المساء
ابو علي : وينهم سيف وابراهيم
علي : ما ادري بس انت شلون متكلي انك مريض؟
ابو علي : ابني مردنا نودي فرحتك بحبالة مرتك
علي : هو هذا هم حجي يا عيني
ابو علي : مصار شي والحمد الله
ابراهيم & سيف : سلام عليكم
ابو علي : عليكم السلام
علي : وين جنتو ؟
سيف : ياااباا حجزنالك انت وامي على عكب باجر وهاي الفلوس كلها جاهزة
ابو علي : منين جبتوها؟
ابراهيم : دبرناها انت بس روح والباقي علينا
ابو علي : غير اعرف هلفلوس منين ؟
سيف : ترى مبكناها مجرد دين وحنسددة ثلاثتنا
ابو علي : بس يا ابني ميصير هيج
سيف : ياباا انت بس روح وتعال بلسلامة واحنا كلشي منريد
ابو علي : الله ليحرمني منكم يا نظر عيني انتو
سيف : لعد وينها ام علاوي
ابو علي : نايمة مكضيتها بس بجي وجتي خالتكم عذراء كعدت شوية وياها ومن راحت امكم بس تبجي
11:00 AM
عذراء : ديروا بالكم على نفسكم ولدي ومروة بنتي ديري بالج على نفسج وعلى اللي ببطنج واكلي زين
مروة : ليظل بالج يمنا خالة اهم شي ترحون وترجعون بلسلامة
علي : كونوا على تواصل ويانا وشيكوللكم الدكتور كولولنا ومعليكم بلفلوس بشكد ميكون الدوة كولولنا.
ابراهيم : ماشي ابني خلي نوصل بسلامة والله كريم
ابو علي : يلا خلي نفوت احنا لنتأخر
الجميع : الله وياكم
سيف ?
نمر بأوقات في حياتنا نظن ان حياتنا توقفت عند هذه النقطة ونظن اننا لن نستطيع الاستمرار
ولكن بعد حين ندرك ان هذه الفترة مجرد فترة بسيطة وسخيفة لما سنواجهه في المستقبل
سندرك ان ألمنا ، حزننا وضعفنا الان لا شيء سوى ما سنعيشه بعد حين
سندرك ان الدموع التي ذرفناها ونحن صغار لاشيء مقابل دموعننا التي سنذرفها بعد حين
- Writer
