“Bruha kang babae ka! Namistaken identity pa ako ng dahil sa iyo!”
Hindi mapigilan ni Mariella ang ilabas ang init ng ulo nang araw na iyon nang magkita sila ng kaibigan. Naroon pa rin kasi ang pagkulo ng kanyang dugo sa tuwing maaalala ang nangyari sa kanya sa naturang lugar.
Ganoon na lamang ang pagpipigil ng tawa ni Leora, halos maibuga pa nito ang iniinom dahil na rin sa matinding pagkakakusot ng mukha ng kasama.
“Sabi ko naman kasi sa iyo umuwi ka na.”
Sa wakas ay saad ng babae nang makahupa na.
Lalo lang tuloy lumalim ang pagkakakusot ng mukha ni Mariella nang makita na hindi man lang nangangamba ang kanyang kaibigan.
“Akala ko pa naman kaya gusto mo doon tayo sa resto bar na iyon ay dahil memorable siya sa atin noon college pa tayo. Iyon pala may iba ka pang dahilan!”
Bulyaw
