Nagtanong ako sa kanya, pero wala akong nakuhang sagot mula kay Sir Xander. Bukod sa hindi na nga niya sinagot ng maayos ang tanong ko ay ngumingisi-ngisi pa na tila ba nakakaloko sa harap ko kaya nainis talaga ako.
"Hindi ka matinong kausap," lukot ang mukha at inis na sabi ko.
Akala ko ay magagalit siya, pero tinawanan lang ako ni Sir Xander. Napa-iling na lang ako at hindi na muling nagsalita dahil sa tingin ko, hindi ko pa siya makakausap ng maayos ngayon.
"Matutulog na ako," tipid na sabi ko at tumayo na.
Narinig kong tinawag niya ng ilang ulit ang pangalan ko, pero hindi ako lumingon. Ang nakakainis ay seryoso ako, pero siya naman ay kung anu-anong kalokohan ang sinasabi kaya nag-init ang ulo ko.
Sumampa ako sa kama at mabilis na nagkumot at namaluktot. Pumikit agad ako at kahi
