Akmang aalisin ko sana ang braso ni Xander sa bewang ko, pero mas humigpit pa ang pagkaka-yakap sa akin. Ibig sabihin lang nito, gising siya, pero nakapikit at nakasiksik pa ang mukha sa leeg ko.
"Alexander, buksan mo ang pintuan," inis na utos ko sa kanya, pero hindi man lang ito sumagot.
Napapikit ako at pinipigilan ang sarili na singhalan siya dahil nag-iinit ang ulo ko, pero parang balewala lang sa kanya.
"Bitawan mo nga ako, ang baho mo. Amoy alak ka." Inis na piglas ko, pero parang wala siyang narinig.
"Galit ka pa ba sa akin?" paos ang tinig at pabulong na tanong ni Xander sa akin.
Inikutan ko siya ng mga mata. Kung kahapon, galit ako, ngayon, mas galit pa ako. Sino ba ang matutuwa na na-lock ako dito sa silid niya tapos… Ah, basta! Kumukulo ang dugo ko sa kanya.
"Bitawan mo
