Tama siya, hindi naman ako mapili sa pagkain, pero recently, nag-iba ang cravings ko.
May mga ayaw at gusto akong pagkain, tapos nahihilo agad ako at nauuwi sa pagsusuka. Sensitive rin ang pang-amoy ko at naging maselan rin ako sa pabangong gamit ni Xander.
Nagbago rin ang ugali ko. Nagiging mainitin ang ulo ko at mabilis akong magtampo at maubusan ng pasensya, which is alam kong hindi na normal sa akin, dahil hindi ganito ang ugali ko.
Biglang bumundol ang kaba sa dibdib ko. Namasa ang mga mata ko, kaya pinigilan kong umiiyak.
Dahan-dahan na nag-angat ako ng ulo at tiningnan ang lalaking katabi ko.
"Xander, sa tingin mo, may malalang sakit na ba ako?" malakas ang kaba sa dibdib na tanong ko.
"Why are you thinking like that?" tanong rin ni Xander na hinaplos ang mahabang buhok ko.
