Iba ang epekto sa akin ng huling pag-uusap namin ni Sir Xander, lalo na ang namagitan sa pagitan naming dalawa sa sala kagabi. Daig ko pa ang binugbog ang katawan ko dahil masyado siyang naging màrahas, dala na rin siguro ng kanyang kalasingan.
"Ate, wala ka bang pasok ngayon sa fast food?" tanong ni Arnel ng gisingin ako at abutang nakatulog pala sa sofa.
"Ah, anong oras na ba?" masakit ang ulo na tanong ko.
"Eight-twenty na po, ate."
Agad na napatayo ako, dahil almost half an hour na lang ang natitira para magsimula ang shift ko. Mabilis na inabot ko ang bag ko at pumasok sa silid ko para magbihis.
Tulog pa rin si Ailee, kaya inayos ko muna ang mga gamot na iinumin niya ngayong umaga at mamayang tanghali. Ibinilin ko kay Arnel na gisingin mamayang nine o'clock si Ailee para kumai
