Hindi ko siya kinausap at binigyan ng sign na huwag magsalita dahil nag-iingat akong baka marinig kami ni Aila. Siguradong magtatanong ang kapatid ko kung sino siya, dahil alam niyang hindi ako tumatanggap ng manliligaw at wala rin namang boyfriend.
Laking pasasalamat ko na hindi gumawa ng kahit anong ingay Sir Xander. Tahimik naman ang katabi ko na muling humiga sa kama at kinabig ako para mahiga katabi niya.
Kalahating oras rin ang lumipas ng muling kumatok si Aila at sinabing may pagkain na umano siyang inihanda sa kusina at pwede na akong kumain kapag nagutom ako mamaya.
Nakahinga ako ng maluwag ng magpaalam ang kapatid ko at sinabing aalis na siya papunta sa ospital. Hinintay ko munang marinig na bumukas at sumara ang pintuan bago tumayo at sumilip sa bintana para tingnan kung nak
