“Oh, bakit ang tamlay mo? Parang nanghihina ka riyan!” kantyaw ni Cleo habang natatawa. Nasa sala kami at nagluluto na si Mommy sa kusina para sa dinner. Si Dad naman ay mukhang pauwi na rin.
Hindi pa nakuntento ang pinsan ko sa pang-aalaska. He also stole some of my snacks.
“Alam ko na! Galing ka sa talyer, ‘no? Akala mo hindi ko alam,” nangingisi niyang sinabi at naupo sa couch.
I’m watching my favorite cartoon show. I think I lost my mind somewhere in this place. Kailangan ko yata ng ilang araw para mag-isip-isip! Napanguso ako at nagpatuloy sa panonood ng mga asong nagsasalita.
“Nanghihina ka kapag hindi ka nagmamaldita, ‘no?” sabay tawa ni Cleo.
“Tigilan mo ako, Cleo! I’m thinking!” Inagaw ko ang remote.
Naiiling siya, ngunit kalaunan ay sumeryoso rin ang pagmumukha.
“S
