JAMILLA
Natulala si Drake sa harap ko. Para bang hindi siya makapaniwala sa kaniyang narinig, kaya umawang ang kaniyang mga labi habang nakatingin sa mukha ko.
“What did you say?” mahinang tanong ni Drake sa akin.
“Wala akong sinabi,” agad kong sagot, kasabay ng pilyang ngiti na sumilay sa aking mga labi.
Nangunot ang kaniyang noo, pero hindi inalis ni Drake ang kaniyang mga mata sa aking mukha. Nakita kong kumibot ang kaniyang mga labi, pero hindi siya nagsalita. Hinawakan niya ang aking magkabilang balikat at marahan niya itong hinamplos pataas sa aking leeg habang hindi inaalis ang kaniyang mga mata sa aking mukha.
Ramdam ko ang emosyon na kaniyang nararamdaman habang nakatingin siya sa akin nang hawakan niya ako sa aking pisngi.
“May sinabi ka kanina, Jam,” pabulong niyang sabi
