3rd Person POV
Paggising ni Nathalia kinabukasan ay kaagad niyang hinanap si Rio. Wala na ito sa kaniyang tabi. Kaagad niyang binalot ang hubad na katawan sa kumot at naghanap ng maisusuot. Mamaya lang siya maliligo.
Napailing siya ng masilip niya ang labas. Mataas na ang araw at ngayon pa siya nagising. Nasaan kaya si Rio? Tanong niya sa isip. Nang lumabas siya maliit na sala ay nahagilap ng kaniyang mga mata ang pagkain sa mesa. Nakatakip iyon. Kaagad siyang lumapit doon. Napangiti siya nang makita ang paborito niyang pagkain. Si Rio kaya ang gumawa nito?
Nang matapos siyang mananghalian ay wala pa rin si Rio. Bumaba siya sa gilid ng dagat at naglakad lakad. Ang sarap ng hangin at ang tanawin.
"Yayain ko na lang kaya si Rio na dito na kami tumira," nakangiti niyang sabi sa kaniya
