Habang pababa sa sala ay agad napakunot ang aking mga kilay dahil pamilyar sa akin ang kabuuan ng bahay, dahil sa bahay rin na ito ako nagising noon nang mawalan ako ng malay sa university.
Dumiretso ako sa kusina nang makarinig ako nang bahagyang ingay na waring may nagluluto. Alas sais pa lamang ng umaga ngunit waring abala na sa pag aasikaso ang sino mang tao na nandoon.
Pagpasok ko sa kusina ay nabungaran ko ang isang ginang na abala sa pagluluto habang nakatalikod sa aking direksyon.
Marahan akong kumatok sa gilid ng pinto upang agawin ang atensyon nito. Lumingo naman ito at agad kong nakilala ang ginang dahil ang ginang na iyon ang nag asikaso sa akin nang magising ako noon kinabukasan.
Ngumiti naman ito na bahagyang ikinakunot ng aking mga kilay dahil para bang hindi man lang it
